— Юу болов? гэж бүлцийсэн нүдтэй хүн асуулаа.
Яасан өндөр сандлууд вэ! Сильвейра эмч нэгэн дээр нь суугаад гараа үрж, ээрэн түргэн ярина. Тэр... Эрүүлийг хамгаалах Яаманд их хөдөлмөр шаардахгүй өндөр цалинтай албан тушаал гуйж орхив... Өнгөрсний тухай юу ч дурссангүй. Өөрийн ядуу зүдүү байдал, гачигдал, хүнд цаг үеийн тухай ярина. Зовсондоо гараа үрэн байж Эрүүлийг хамгаалах Яаманд ажил олж өгөхийг гуйв.
— За яах вэ, бодъё. Дараа ирээрэй гэж бүлцийсэн нүдтэй хүн яаралгүй хэлээд, зогссон ажлаа үргэлжлүүлэх хүсэлтэйгээ илэрхийлэн өмнөх цаасан дээрээ тонгойлоо.
