Зохиолч: Азиз Несин
Орчуулагч: Т. Содномдаржаа
Ангилал: Шог хошин турк уран зохиол
Хэвлэлийн газар: Улсын хэвлэлийн газар
Зам зуур ийнхүү танилцах нь хэчнээн аятай вэ! Та дан танихгүй улсын дунд орж, таны сэтгэлд огт шинэ улс орныг нээсэн лугаа адил хөгжөөнтэй сайхан болно. Таван цагаар, арван цагаар, өдөржингөө, хоёр өдөржингөө бие биедээ сэтгэлээ илэн далангүй илчлээд ямар нэг буудал дээр салцгаах аж. Тэгээд заримдаа амьдралынхаа туршид ч дахин уулзалдаж чадахгүй байх удаа бишгүй дээ л байдаг шүү дээ. Үнэндээ нэлээд хэдэн жилийн дараа бие биеэ танихаа байж орхих ч удаа бий. Санамсаргүй танилцсан тэр хүнийхээ нүүр царайны төрхийг санахаа болино. Гэтэл санамсаргүй сонссон ямар нэг амьдралын түүх насан турш мартагддаггүй.
Би ийм л итгэлтэйгээр галт тэргэнд суусан юм. Таван хүн байваас зохих өрөөнд хоёулаа байлаа. Ийм байх нь бүр ч сайн...
