Зохиолч: ЖОН РИД
Орчуулагч: Д. Нацагдорж
Ангилал: Америк уран зохиол
Хэвлэлийн газар: Улсын хэвлэлийн газар
Шинэ оны өмнөхөн, тэртээ Мексикийн Чихуахуа хотод би Мактай уулзаж билээ. Америк эрийн шинж бүхэн бүрдсэн Мак уугуул нутгаасаа тэнүүл салхи адил хэрж тэнд очсон байв. Бид Чий Лийд очиж Том-энд-Жерри хэмээх өндөгтэй архи хүртэхээр зочид буудлаасаа гарч ирэхэд буурал сүмийн цавтай хонх шөнийн мөргөлд сүжигт түмнээ залж учир зүггүй дүнгэнэн байсныг би тодхон санаж байна. Дээр маань аагим цөлийн одот тэнгэр цэлийнэ. Виллагийн арми байрладаг дүүргээс ч, алс тэртээх нүцгэн толгод дээрх харуулаас ч гудамжнаа тавьсан харуулын цэгүүдээс ч буун дуу нүргэлэн хот даяар цуурайтна...
