Зохиолч: Брээм Чанд
Орчуулагч: О. Сүхбаатар
Ангилал: Энэтхэг зохиол
Хэвлэлийн газар: Улсын хэвлэлийн газар
Эднийх тосгондоо их л нэр муутай айл байжээ.
Эцэг Гхийсүү нэг өдөр ажил хийх шиг аядвал гурван өдөр биеийн чилээ гаргах нь ёс. Хүү Маадхав хагас цаг хөдөлбөл бүтэн цаг усан тамхи сороод суучихдаг арчаагаа барсан залхуу амьтан. Иймээс тэдэнд хаа ч ажил төрөл олддоггүй байв. Гэрт нь атга тариа бэлэн байвал түүнийг дуусахаас өмнө ажил хийнэ ээ, тангараг. Харин хоёр гурван хоног өлсөөд ирэхийн үед Гхийсүү нь модонд авирч мөчир гишүү хугалж авчирна.
Түүнийг нь Маадхав зах дээр борлуулж жаахан мөнгө болгоно. Тэр мөнгөө дуусан дуустал хоёул хий дэмий үүгээр түүгээр тэнэж цаг нөхцөөнө...
