Зохиолч: СИЛВИО МИКЕЛИ
Орчуулагч: Б. Чимиддорж
Ангилал: Италийн уран зохиол
Хэвлэлийн газар: Улсын хэвлэлийн газар
Намайг хүүхэд ахуй цагт минь эцэг, эх маань зун болгон зөвхөн нарны гэрэл цацарсан талд амьдардаг авга ахынд явуулдаг сан. Тэнд хормын зуур анир чимээгүйг бусниулах галт тэрэгний дугуйн нүргээнээс гадна алсад хааяа сонсогдох хүрзний дуу, царцааны дуунаас өөр юу ч эс сонсогдоно. Эргэн тойрны толгод дээр байгаа сүмийн хонхнууд хүртэл хүрз чулуунд хүрэх лугаа адил чимээ гаргана.
Манай авга ахынх замын дэргэдэх хүн олонтой хуучин байшингийн нэгдүгээр давхарт оршин суумуй. Хэрэв замаар морин тэрэг өнгөрвөл шороо тоос босон, замын дагуу хөдөөгийн тэнгэрт шаргалтан хөөрнө. Үдийн үед байшингийн дотор шорлог, малын хашааны үнэр ханхалсан нууц байр юм уу, пингийн дэргэдэх усан үзмийн бутан дотор хэвтэн авга ахыгаа ирэхийг отон хүлээх мөн ч таатай даа.
Авга ах маань өдөр бүр...
