Зохиолч: Эрик Нойч
Орчуулагч: Д. Гонгор
Ангилал: Германы уран зохиол
Хэвлэлийн газар: УЛСЫН ХЭВЛЭЛИЙН ХЭРЭГ ЭРХЛЭХ ХОРОО
Катрин харгуй дардан замын захад ширтэн зогссоор бөгөөд улаан цамц нь түүний цаана хөшиглөн татах орог саарал өндөр барилгын өмнө тодоос тод үзэгдэх ажгуу.
Бүсгүйн бие жижгэрэн жижгэрсээр ялдам тунгалаг царай цагааран цагаарсаар бөгөөд харин Катрин гараараа ганц ч удаа дохисонгүй...
Ханнес хэдийгээр буцахыг хүсэвч зөрчишгүй даалгавар биелүүлэх, хүлээшгүй хугацаа түүнийг урагш нь татах тул цааш явах ёстой ажээ. Түүний санаанд Катрины хамгийн сүүлчийн асуултад хариулах үг орохуйд тэр дороо хашхирч хүргэхийг хичээж «Бид хэзээ ч зориг шантрахгүй... Чи миний үгийг сонсож байна уу? Бидний амьдрал бол бүх хүн төрөлхтний амьдрал болно...» гэв. Гэнэт тэрээр өөрийгөө юү хийж байгаагаа бодоод үзвэл тэрээр өөрийг нь эргэж ирэхийг хүлээж байгаа газраас явж байгаа ажээ. Учир иймээс Ханнес салах ёс гүйцэтгэх хэрэггүй бөгөөд хаана ч байсан түүний эх орон билээ...
