Зохиолч: Чжоу Либо
Орчуулагч: Бат (Алтанбагана) X. Төмөрдаш
Ангилал: Хятадын уран зохиол
Хэвлэлийн газар: Улсын хэвлэлийн газар
Дарга Сяо Сян, бичгийн ширээний ард сууж, буурцгийн тосон дэнгийн голыг жаахан гадагш этэж гаргахад гэрэл нь жаахан тодорч, тэр гэрлийн дор, алтан одон марктай үзгээ гаргаж, өдрийн тэмдэглэлийн дэвтэр дээр тэмдэглэсэн нь: «Юаньмаотунь тосгон бол газрын реформын ажлыг анх явуулсан бусад тосгон дотроос, ажил нь нэлээд шуурхай сайн явагдсан юм. Жил гаруйн хугацаанд ажиллаж байсан боловсон хүчнийг хэтэрхий сольж шилжүүлсэн учир, удирдлага нь одоо буурай муу болов. Удирдлагын чанга, сул хариуцлагаас, ажлын сайн муу болох явдал шийдвэрлэгдэх юм. Анх явагдсан ажил ба газрын эзнийг түлхэн унагаах хөдөлгөөн нэг хэсэг ширүүн салхи мэт шуурч одоод, энэ хэр олон түмний ангийн ухамсар нийтдээ жинхэнэ сайнаар дээшлээгүй учир тосгон нь хуучин байдалдаа орох шинжтэй болов. Тариачны холбооны дарга Чжан Фүинийн хүний чанар, ангийн шинж бүрдэл ба түүний түүхт байдлыг нь дахин нарийн бөгөөд гүнзгий ойлгож авах хэрэгтэй. Тэр нөхөр яагаад тариачны холбоонд шургалан орж дарга болсон бэ?» гэжээ...
