Зохиолч: Ранко Маринкович
Орчуулагч: Д. Бадамням
Ангилал: Гадаадын уран зохиол
Хэвлэлийн газар: Улсын хэвлэлийн газар
Хүсэл тачаал, үл ухагдах шөнийн дэмийрэл, ухаан балартах тэрхэн мөчид мэндлээд хагацашгүй хань нөхөд болсон энэ хоёр гар одоо тэврэлдэн дэвэн дэлхийгээр тэнүүчилж явна. Нэг нь нөгөөгөө тэврээд явж байгаа хэрэг шүү дээ. Нохой гөлгөө зуугаад явдаг шиг баруун гар солгой гараа зөөлхөн болгоомжтой атгаад явна. Солгой гар нь түүнд тэврүүлээд тухтай нь аргагүй эрхлэн хийх юмаа олж ядсандаа дүрсгүйтэн, эрхий хуруу бусад хурууны өндөг дамжин дэгдэж, до-ре-ми-фа... фа ми ре-до гэж аялгуулан дуулна. Дараа нь марш аялгуу наадан дуулна.
— Чи юу хийж байна? гэж баруун гар асуулаа.
— Би юу хийх юм бэ? Дуулж л байна гэж Солгой гар хариулав...
