Зохиолч: Славко Яневский
Орчуулагч: С. Батбилэг
Ангилал: Гадаадын уран зохиол
Хэвлэлийн газар: Улсын хэвлэлийн газар
Яргачны төмөр торноос зовлон ганьхралын гаслант дуун дуулдав. Зуны халуун өдөр гарах чимээ шуугиан дуун бүр тэр дороо ямар ч ул мөргүйгээр замхран ямар ч үйл явдал, сонин зүйл бололгүй мөхөн үгүй болох тодорхой зорилготой билээ.
Харин хотын захын чулуу дэвссэн урт нарийхан гудамжны хоёр талаар үргэлжлэх нэгэн хэвийн хуучин жижиг байшингуудын хувьд гэвэл гойд зүйлгүй. Амьд зовлого болсон сохор морь шоронгоос ялгагдахааргүй болхи муухай торон чингэлэг ачсан хуучин тэргээ дуулгавартай нь аргагүй чирэн гэлдэрнэ.
Элэгдсэн муу тах түжигнэн, яйжийсан тэрэгний дугуй хяхтнана. Орчин тойронд болж буйг огтхон ч анзаарахгүй гэлдэрч яваа адасга болсон энэ морь өөрийн нь адил бас нэг зовлонт амьтан, хаана ч явсан гэмгүй, шар нүдэт тэнүүл цагаан хав нохойг тээж явна...
