Зохиолч: Энн Ветемаа
Орчуулагч: С. Лочин
Ангилал: Гадаадын уран зохиол
Хэвлэлийн газар: Улсын хэвлэлийн газар
Уран бүтээл гэдэг ямар нэгэн яруу сайхан зүйл гэдэг энэхүү маяглаг ойлголт хаанаас бий болсныг ерөөс ойлгож чадахгүй юм. Урлагаар оролдоно гэдэг зөвхөн базаахгүй кинонд л сайхан харагддаг. Хэмжээнээсээ хэтэрсэн том сарны амар жимэр гэрэлд Бетховен Сарны сонатаа үнэнхүү сэтгэлээсээ бүтээж байгаа тухай кино үзсэн. Үнэхээр тийм байсан сан бол муугүй л байх сан!..
Үгүй ээ, уран бүтээл гэдэг удаан хугацааны зовуурьтай эрэл. Олз олсон аз жаргалтай үе нь хурмын төдий л хугацаа байдаг. Зовлонг өөрөө амсан туулах нь бас ч учиртай. Өөр хүн зовж буйг харах нь бүр тэсвэрлэшгүй...
