Зохиолч: Ибрахим Ахмад
Орчуулагч: Ч. Хүлэг
Ангилал: Гадаадын уран зохиол
Хэвлэлийн газар: Улсын хэвлэлийн газар
Тэр хүн энэ хүүхний тухай мэдэхгүй хүн таарсанд ихэд олзуурхаж байгаа бололтой,
— Эрхэм нөхөр минь! Бүхний ой гутаасан энэ аймаар амьтан бол хориод жилийн тэртээ маш сайхан, сэтгэл булаам бүсгүй байсан юм. Сайхан нүднээсээ туяа цацруулан эелдэг инээмсэглэж, гунхаж яваа түүнийг харсан хэн бүхэн баясаж, эцэг эхийнхээ аз жаргал болж байлаа. Түүний улаахан хацрыг хөгшин залуугүй шагшин магтана. Залуучууд түүний гэрийг зөгий адил бүчин холоос ч болов хараад авах сан гэж мэрийцгээнэ. «Холоос» боловч гэдэг нь түүнд ойртох зүрхтэй эр тэдний дотор байгаагүй болохоор тэр шүү дээ...
