Зохиолч: Ихсан Мустафа
Орчуулагч: Ч. Хүлэг
Ангилал: Гадаадын уран зохиол
Хэвлэлийн газар: Улсын хэвлэлийн газар
— Ээ тэнгэр минь! Үхэх совин татсаар есөн сар боллоо. Зүү шиг өргөс зүрхийг нэвт хатгана. Есөн сарын турш үхлээ хүлээхдээ Аллах чамаас есөн сар гуйлаа!
Би яагаад ийм хувь заяагүй байгаа юм бэ? Мөнгө төгрөгөөр хордсон, хар амиа бодсон энэ ертөнцөд угаасаа төрөөгүй байсан бол дээр байжээ. Ай Аллах! Энэ зовлонт үхэлд түлхсэн харгис хэрцгий нөхрөөс минь миний өшөөг авч өгөөч! Есөн сар уйлан хайлж, нулимсаа асгаруулсаар төрөх өдрөө хүлээлээ. Энэ тухай бодох тусам төрөх, үхэх хоёр зэрэгцэнэ гэхээс айхгүй байхын арга алга.
Аллах тэнгэр минь! Би чамайг яаж хилэгнүүл ээ вэ? Үхэх өдрөө амьд сэрүүн ахуйдаа мэдрэхийн аймшигт зовлонг надад яалаа гэж тохооно вэ?..
