Зохиолч: МИРКО БОЖИЧ
Орчуулагч: Д. Даваа
Ангилал: Гадаадын уран зохиол
Хэвлэлийн газар: Улсын хэвлэлийн газар
Нэгэнтээ Смиляг гадаа байхыг нь тэр харав. Бүсгүй даруй нүүрээ бууруулан гэртээ гүйн оров. Түүний царай Бояны гайхшийг төрүүлжээ. Тэрээр залуу бүсгүй биш, насны тартагт тулсан эмгэн мэт нүүрэнд нь аалзны хар шүлс мэт үрчлээ суусан байлаа. Түүнийг хүчирхийлэн байх тул тэр ийнхүү уй гашуу болон байгаа аж. Бояны хайрладаг, хамгийн сайхан сэтгэлийн угаас ханддаг эл төлөв төвшин, хонгор бүсгүй нээн илрүүлээгүй аллага, магадгүй, түүний өөрийнх нь шийдвэргүй, аймхай байдлаас болж сүйрэн баларч байна... Гэмт хэрэгтнийг илрүүлэх нь буянт үйл билээ...
