Энэ хүнийг эрүүл гэдэгт бүрэн итгэсэн би түүний дэргэд ирж уучлалт гуйхдаа ичиж, гэмшсэн байдлаа нуухыг ч оролдсонгүй.
«Нүдээ» үзүүлж тайлбарлаж өгөхийг хүсэв. (Тэр хүнийг би одоо танил минь, нөхөр минь ч гэж нэрлэнэ).
Нөхөр минь санаа алдсанаа:
— Таны хүсэлтийг биелүүлж чадахгүй минь харамсалтай байна гэв
— Яагаад?
— Яагаад гэвэл би өөрийн «нүдийг» үзэхгүй тул тэмтэрч байгаад «сохолчихвол» (эвдэлчихвэл) яах бил ээ?
— Хүмүүс нүдээ толинд хараад үздэг шүү дээ. Бидэнд толь олдоно.
— Хүмүүсийн төрөлхийн нүдтэй зэрэгцүүлбэл миний хиймэл нүд давуу болоод дутмаг хоёр талтай юм...
