Эрхэм Чжаог ямар нэгэн арга чадваргүй хүн гэж хэлж болох уу? Яасан ч үгүй!
Түүнийг мөнгөн тэмдэгтийн худалдаа сайн мэддэг хүн гэж тооцдог юм. Түүний нүдний онцлог нь шонхрын хурц хараа юм. Хэчнээн ч гар өргөсөн тэр ч байтугай хоёр, гурав эсвэл дөрвөн хуруугаа гозойлгосон байлаа ч гэсэн эрхэм Чжао зөвхөн ширвэж хараад л хэдэн хүний гар өргөгдсөн болохын үнэн тоог тогтоож чадахаас гадна тэдгээрийн аль нэг нь хэний заавраар өргөгдөж байгаа, «Хөшигний цаадах эзэд», мөнгөн тэмдэгтийн худалдааны 4-р буюу 36-р жуучлагчдын аль нь хөдөлгөж байгааг ч оюундаа ялган салгаж чадах юм. Бас эрхэм Чжао гайхалтай сайн сонорч бөгөөд худалдааны газрын их шуугиан дотроос хамгийн сул дууг ч ялган сонсож чадна...
