Долгор, пэмбийтэл боосон хоёр хөлөө харж гүнээ санаа алдав. Тэрээр уул эмнэлэгт угаагчийн ажилтай, жар шахсан хөгшин эхтэйгээ гэртээ хоёулхнаа суудаг билээ. Зүс царайгаар тийм ч царайлаг биш, намхавтар махлаг биетэй. Сувилагч Оюунтайгаа насаар чацуу. Гэвч хоорондоо тэс өөр. Оюун цэгцхэн гоолиг нуруу, цагаан царайтай. Яг нүд шигээ тас хар үстэй. Долгор дуу цөөнтэй, ноомой бүрэгхэн зантай байхад Оюун хэл ам хурц, сэргэлэн зантай...
