Энх тайван бол угтаа сайн зүйл л дээ. Гэхдээ зөв шударга хүрээнд хүний гараар бүтээгүй бол хэзээ ч хамгийн дээд зэргийн сайн зүйл болохгүй. Хэрэв энх тайван ердөө хулчгар зан, залхуу хойрго байдлыг халхавчлах баг маягаар буюу дарангуйлал эсвэл эмх замбараагүй байдлыг лавшруулах хэрэгсэл маягаар үйлчлэх юм бол маш адгийн зүйл болж хувирна. Бид хувийн болон нийгмийн амьдралдаа дээрэлхэгч, зодоонч, дарангуйлагч энэ тэрийг жигшин зэвүүцдэг, бас залхуу хойрго хийгээд хувийн цэнгэл хөөгчийг эдгээрээс дутуугүй жигшин ад үздэг.

Бусдыг тэмцэлд дуудахын оронд арга буюу нэр нүүрээ барж уриалахаас цаашгүй, эсвэл өөрийн эрхэм хүний дэмий зовж байгааг харахаас цаашгүй хүний үнэ цэнэ шалихгүй. Хэрэв улс үндэстэн чадал чансаа, буянлаг чанараа алдахыг өөрөө өөртөө зөвшөөрч байгаа бол оршин тогтнох гавьяагүй болно. Тийнхүү гавьяагүй болох нь өрөвдөх сэтгэлгүй, бүхнийг шингээн залгигч худалдаа наймааны өсөлтөөс болов уу, эсвэл тансаг зөөлөн, амар жимэр байдалд урт удаан хугацааг өнгөрүүлэх, уян наалинхай сэтгэлийг бурханчлах зэргээс болов уу гэдгээс үл хамаарна...