Монгол ухаан, аж төрөх ёс, зан үйлийн нандин уламжлалаа сэргээх тухай дээр доргүй их ярьж айлдсан зарлигдсаныхаа хэрээр хөдөлж бүтээхгүй байгаа өдгөө цагт хошуу нэмэхээсээ өмнө хуруу нэмье, мэдэх чадахынхаа хэрээр тус дэм болох сон гэхдээ эрдэмтэн Хандын Нямбуу бидэн Монгол ухаан, аж төрөх ёс, зан үйл, хүмүүнлэг сэтгэлийн охь шим шингэн цогцолсон Монголчуудын цээрлэх ёсыг сурвалжлан цуглуулж олон үеийн Монголчууд ёсчлон даган мөрдөж асан “Их засаг”, “Халхын зургаан хошууны цааз”, “Монгол ойрадын цааз” “Халхын хошуудын журам”, “Халх журам” зэрэг ном судрыг эш болгон, өрнө зүгийн Монголч эрдэмтэн Н. Поппе, П. Арто, Оросын угсаатны зүйч, нэрт эрдэмтэн Белинин, манай Монголын суу билигт номч мэргэн Б. Ренчин, угсаатны зүйч эрдэмтэн С. Бадамхатан, Өвөр Монголын судлаач Ордосын Соном нарын бүтээл, Монгол, Буриад, Халимаг түмний судар ном, сонин сэтгүүлийг олдсоны хэрээр шүүрдэн үзээд тайлбарт толийн нийтлэг ёсыг баримтлан эл бяцхан товхимлыг бүтээж эрдэм номын садан, билэг төгөлдөр түмэн олон та бүхэндээ өргөн барьж буйгаа өчсүү...
