"Хүрэл хөшөө" гэдэг нь одоогийн Санкт Петербургт их Петр хаанд зориулан байгуулсан хөшөөг хэлж байна. А. С. Пушкин энэ найраглалыг 1833 онд бичсэн бөгөөд 1824 онд Петербургт болсон их үерийн тухай бичжээ. Тэгэхдээ Пушкин энэ найраглалдаа их хүний түүхт үйлс ба энгийн ядуу хүний амьдрал хоёрын зөрчлийг үзүүлжээ.
А. С. Пушкиний энэ найраглал урьд монгол хэлэнд хоёр удаа орчуулагдсан юм. Анх Ц. Цэдэнжав орчуулж «Пионер» сэтгүүлийн 1949 оны 3-рт хэвлүүлсэн байна. Дараа нь 1963 онд М. Ширчинсүрэн дахин орчуулж «А. С. Пушкин, Найраглалууд» гэдэг номд хэвлүүлжээ. Одоо монгол улсын хэвлэлийн газрын захиалгаар 3-р удаа орчуулав.
