Увс аймгийн Хан Хөхүй уул хавийн нутагт бичмэлээр тарсан бөгөөд зарим нэг хүн цээжээр мэдэх болсон, «Хан Хөхүйн магтаалын» хуулбар эх Увс аймгийн орон нутгийг судлах кабинет, Увс аймгийн номын сан хоёрт тус бүрд нэжгээд хувь байдаг ажээ. Тэрчлэн 1964 онд ШУА-ийн Хэл зохиолын хүрээлэнгээс Увс аймагт нутгийн аялгуу, ардын аман зохиол сурвалжлан судлах шинжилгээний анги монгол төвөд бичмэлүүдээс хуулбарласан хоёр гар бичмэл олж ирсэн ба зохиолч М. Гүрсэдэд байдаг өөр нэг бичмэлийг У. Загдсүрэн «Монголын судлал» сэтгүүлд хэвлүүлжээ.
"Цог" сэтгүүлийн 1960 оны № 1-д X. Пэрлээгийн хэвлүүлсэн хувилбараас авав.
