Зохиолч: Эрнест Сетон Томпсон
Орчуулагч: Доржийн Цэрэндаш
Ангилал: Гадаадын уран зохиол Адал явдалт
Хэвлэлийн газар:
Ян баруун тийш нүүгээд тэндээ ямар ч сонирхолгүй амьдарч шар нар, бор хоногийг өнгөрөөж байтлаа «Керберийн хавьд буга учиргүй олширч байна. Саяхан Кеннедийн хөндий, мод бэлтгэх газар хоёрын хооронд нэг лут том буга явах нь үзэгдлээ» гэсэн мэдээг захиагаар хүлээн авчээ. Ан гөрөөний үе эхэлж байсан цаг болохоор тэртэй тэргүй түүний хамаг бие арзганан сэтгэл сэргэн хөдөлж байсан үед Ян тэр захиаг хүлээж авсан билээ. Хэрвээ Ян, эртхэндээ яахаа мэдэхгүй нэлээн эргэлзэж байсан бол одоо, тэр захиаг хүлээн авсан явдал түүний эргэлзлийг бүрмөсөн арилгахад түлхээс болжээ. Түүний төмөр мэт хоёр хөл, төрөлх толгодод нь тэр даруй хүргэжээ. Тэндээсээ Ян, мориор хэдхэн цаг яваад л гэртээ харьчихлаа. Тэгээд л түүний өнөөх эцэс сүүлгүй аялал дахиад л эхэллээ.
Нэг нуурын ойролцоо долоон буга сүрэглэн явааг харж гэнэ. Сүргийн түрүү нь ёстой нэг аварга том амьтан байна гэнэ гэж Янд төдхөн дуулдлаа.
