Дуаньхэ буюу Тасарсан голын ус татарч тасралгүйгээр тэнгэрийн хаяа тийш чиглэн тэртээ хол хэдэн арван газарт урсдаг билээ. Энэ гол хэр хол урсдагийг хэн ч мэдэхгүй.
Есдүгээр Ма өвгөн модон тулгуураар голын мөнгөн толиог яран дүрэхэд хулсан дээвэртэй жижиг завь нь лянхуа хээтэй үүлсийг зүсэн урсгал даган уруудна.
Тосгоны хөгшид түүнд энэ голыг ямар учраас Тасарсан гол гэж нэрлэсэн тухай багад нь ярьж өгсөн ч том болоод тэр бүхнийг угаас өөрөө мэдэж байснаа гэнэт ухаарсан юм...
