Зохиолч: Дээрхийн Гэгээн XIV Далай Лам
Орчуулагч:
Ангилал: Шашин, гүн ухаан Нийгмийн ухаан
Хэвлэлийн газар:
Өнөөдөр би юу хэлэлтэй билээ гэдгээ тунгаан бодож байгаад хүмүүн төрөлхтний гэр бүлийн гишүүд бид бүхэнд нүүрлээд байгаа нийтлэг асуудлын талаар зарим санаагаа та нарт толилуулахаар шийдсэн юм. Бид дэлхий гэдэг нэг жижигхэн гараг дээр аж төрдөг болохоор өөр хоорондоо эв түнжинтэй, байгаль дэлхийтэйгээ зохиролтой аж төрж сурах хэрэгтэй байгаа билээ. Энэ бол ердөө мөрөөдөл төдий бус харин зайлшгүй шаардлага юм. Бид бие биеэс өчнөөн олон талаар хамаардаг болохоор цаашид салангид хүй хамтлагууд маягтай оршин байх, бусад хүй хамтлагтаа юу болж байгааг тоомсорлохгүй байх ёсгүй юм. Бид аз завшаантай тохиолдлоо хамтран эдэлж байх учиртай. Би та бүхэнд бас нэгэн хүмүүн төрөлхтний хувьд, жирийн нэг ламын хувьд ярьж байна.
Хэрэв миний хэлж ярьж буйг хэрэгтэй зүйл гэж үзвэл та бүхэн түүнийг амьдрал практикт хэрэгжүүлэх гэж хичээнэ гэж би найднам...
