Зохиолч: Хатгин Ц. Дамдинсүрэн
Орчуулагч:
Ангилал: Монголын уран зохиол Жүжиг, кино
Хэвлэлийн газар: УЛСЫН ХЭВЛЭЛИЙН ХЭРЭГ ЭРХЛЭХ ХОРОО
Дорнод монголын уудам талд үүр цайж байна. Намар цаг ажээ. Талд олон мал бүрэлзэн үзэгдэнэ. Монголын урт дууг аялах сонсогдоно. Уурга барьсан морьтой хүн бидний дэргэдүүр өнгөрлөө. Тэр хүн адуун дээр хүрлээ. Хэвтэж байсан унага, даага босож сэрвэлзэн зогсоно. Адуучин уурга сунгаж сайхан халиун морийг ногтон хуйваар барьж унаад адууг цуглуулж эхлэв.
Дикторын үг :
“Энэ кино туужид хорьдугаар зууны эхний үед уудам монголын хээр нутагт болсон хэрэг явдлыг үзүүлнэ. Монгол орон уудам боловч ядуу ардад явцуу байсан юм. Монгол газар мал олон боловч хоосон ядуу хүн олон байсан юм. Баян хоосон ямар боловч эмэгтэй хүний амьдрал зовлонгоор дүүрэн байлаа”.
