Зохиолч: Ахилян
Орчуулагч: С. Батбилэг
Ангилал: Энэтхэг зохиол
Хэвлэлийн газар: Улсын хэвлэлийн газар
— Бид хоёр танилцсанаас хойш гурван сар боллоо. Энэ ойгоо тэмдэглэх юм сан. Энхрийхэн дууг чинь анх сонссоноос хойш гурван сар боллоо гээд л бодчих. Дуу хоолой чинь сэтгэлийн минь цангааг гаргах шидтэй хур байж. Одоо сэтгэл зүрх минь цэцэглэн буй хүрээлэн, чи тэнд донгодох хөхөө шувуу боллоо, хонгорхон Ражам минь...
— Ноён Ражан! Та сэтгэлээ барьж үз! Киноны баатар ийм нялуун үг хэлээд байвал үзэгчид цөм гараад явчихна шүү. Бас тэгээд мөнгөө буцааж нэхнэ.
— Явцгаана л биз. Энэ орчлонд хайр сэтгэлээс илүү сайхан юү байх бил ээ?
— Хоол байна шүү дээ.
— Болжмор хоолыг жиргэн донгодохоосоо илүү эрхэмлэнэ гэж үү? Алтан хараацай холбоочин болно гэж үү?
— Та ч бүр солиорох нь ээ?
— Чухам аа чухам...
