Нобелийн шагнал бол хүнд ч хүртээж буй, зорилгод ч хүртээж буй шагнал юм. Энэ шагнал энх тайвны тухайд хүрсэн амжилтаас урьдаар энх тайвны эрэл хайгуулыг билэгдэж байна. Миний бие энэхүү алдар хүндийн шагналыг хувь хүнийхээ хувьд сэтгэлийн гүнээс эрхэмлэн талархахын хамт түүнийг тэрхүү эрэл хайгуулын нэрийн өмнөөс бас нөгөө аварга том зорилгыг бодолцон хүлээн авч байнам билээ. Энх тайван бол учир эмзэг нарийн, байнга хувирч өөрчлөгддөг нөхцөл байдал бөгөөд түүний үндэс суурь нь нийгэм, улс төрийн гонсгор байдлаас үүдэлтэй түгшүүртэй байдлыг дааж тээнэ гэхэд дэндүү өнгөцхөн болохыг бидний туршлага сургамжлан харуулж байгаа билээ. Бид энэ сургамжийг хүлээн авах, түгшүүрт байдлын онцлог эх үүсвэрийг маш сайн арилгах шийдлийг хэрэгжүүлэх чиглэлд ажиллах, бидний тоомсоргүй байдлаас болж энх тайвныг дайнаар нэрвүүлчихгүй байхыг хичээж байгаа юм...
