Зохиолч: Бхиишма Саахнии
Орчуулагч: О. Сүхбаатар
Ангилал: Энэтхэг зохиол
Хэвлэлийн газар: Улсын хэвлэлийн газар
хааны чандрын хумх хийсэж тэнүүчилдэг юм. Эх оронд бэрх зовлон учирвал овоохойнуудаас уйлах дуун гарч хар салхи, харанхуй шуурга босдог юм аа. Тэгэхлээр хааны чандрын хумх үймэлзэн хийснэ. Тэр нь сүн сүн гэсэн дуу гаргаж өргөн нарийн гудамж, зам талбайгаар тэнүүчлэн, овоохойнуудад очиж наалддаг юм шигээр хүмүүс санадаг юм. Зүрх сэтгэл нь эмзэглэн хөдлөх, өвдөх тэр хүмүүст бол хааны чандрын тэнэмэл хумхын тоос бидний зүрхийг дэлдэж байна, лав бидэнд нэг юм хэлэх гээд байна гэж санадаг ажээ. Тэгээд тэд тэвдэн хаан зовуурьтай байна гэдэг ажээ. Уйлах дуун хэдий болтол сонсогдоно, тэр болтол түүнд амар заяа олддоггүй юм гэнэ лээ...
