Зохиолч: Педдибхотла Суббарамая
Орчуулагч: С. Пүрэвжав
Ангилал: Энэтхэг зохиол
Хэвлэлийн газар: Улсын хэвлэлийн газар
Миний гэр орны амьдрал гэвэл үү? «Чамайг хань бүлтэй болсон байхыг чинь хараад тайван нүд аних юм сан» гэж ээж минь хэлдэг байж билээ. Тэр үеэс хойш арван найман жил өнгөрлөө. Одоо би таван хүүхэдтэй. Умгар сууцтай. Ердөө л гал зуухны тасалгаатай ганц өрөө. Дээд давхрын тагтанд хуучирсан өлгий хэвтэж байдаг. Савитри!.. Савитри минь хэчнээн хөөрхөн, дөлгөөн, хэзээ ч түүнтэй зөрж байсангүй. Гэтэл одоо ядарч харшсан, уур уцаартай, хүүхдүүдээ байн байн зоддог болчихжээ.
Саяын үзсэн кинонд нөхөр нь эхнэртээ «Васанта минь би чамдаа их хайртай...» гэж хэлж байв. Гэнэтийн бодол намайг цахилгаан гийгүүлэх шиг боллоо. Би Савитритэй өчнөөн олон жил ханилж байгаа авч «Савитри минь би чамд хайртай» гэж хэлж байснаа ер санахгүй байна. Энэ үгийг би түүнд яагаад нэг ч удаа хэлээгүй юм бол оо?..
