Орчин үеийн хүн дэлхий дахиныг аймшиг төрөм ирээдүйн үүдэнд авчирч тавиад байна. Орчин цагийн хүн шинжлэх ухааны ололт амжилтын шинэ гайхамшигт оргилд хүрч очлоо. Орчин цагийн хүн бодож сэтгэдэг машин, сансар огторгуйн одон гараг хоорондын хэмжээлшгүй орон зайг хэмжээ хязгаартай болгох тоног төхөөрөмж бүтээсэн, мөн далайн аяллыг товчлох асар том гүүр босгож, тэнгэр шүргэх үлэмжийн том барилга байшингуудыг сүндэрлүүлэн босгосон. Орчин цагийн хүний гараар бүтсэн онгоц, сансрын хөлөг, хязгааргүй орон зай, цаг хугацааг товчилж, агаар, дээд тэнгэрт хурдны зам засаж байна. Энэ бол орчин үеийн хүний нүд гялбам зураг төрх, шинжлэх ухаан, технологийн хөгжил дэвшил буюу.
Үүний зэрэгцээ, шинжлэх ухаан, технологийн хувьд ийм харагдахуйц ахиц, алхмууд байгаа ч гэсэн гол үндсэн зүйл болох зарим нэг юм дутагдаж үгүйлэгдсээр байна. Оюун санааны маягийн ядуурал бидний шинжлэх ухаан, технологийн тансаг хөгжлийн өөдөөс эсрэгцэн сөрөн зогсож байна. Бид материаллаг талаасаа баян чинээлэг болох тусмаа, ёс суртахуун, оюун санааны талаасаа тэр хэмжээгээрээ ядуурах болов. Бид агаарт шувуу шиг нисэн дүүлж, усанд загас шиг олж шумбаж сурсан ч ахан дүүсээр хамтран аж төрөхийн энгийн нэг дэг жаягт суралцсангүй...
