Зохиолч: В. МИХАЙЛОВ
Орчуулагч: Н. Пүрэвжав
Ангилал: улс төр Түүх Хууль, эрх зүй
Хэвлэлийн газар: Улсын хэвлэлийн газар
Залхаан цээрлүүлэгчдийн хэргийг Ленинград таслан шүүж байхад алс тэртээ Ньо-Йорк хотноо Нэгдсэн Үндэстний Байгууллагын Ерөнхий Ассамблейн гуравдугаар хороонд хүнлэг ёсны эсрэг гэмт хэрэг үйлдсэн этгээдийг яллан шийтгэх тухай маргаан явагдаж байсан юм. Энэ асуудлын талаар тусгай тогтоол гарсан ба түүний үг үсэг нь хатуу чанга, залхаан цээрлүүлэх шударга ёсны сүлд дуулал болсон юм.
Тогтоолд хүнлэг ёсны эсрэг гэмт хэрэг үйлдсэн этгээдүүд буюу хэрэгтнүүдийг баривчлан авч гэмт хэрэгт өртөгдсөн орнуудад шилжүүлэн өгөхийг бүх улс орнуудад уриалсан юм. Олон тооны цэргийн гэмт хэрэгтэн болон бусад этгээдүүд зарим улс оронд хоргодон бүгж, тэдний дэмжлэг туслалцааг авч байгаа тухай тогтоолд дурдсан байлаа. Тогтоолд, түрэмгий дайн, арьс өнгөөр ялгаварлах бодлого, апартеид болон колонийн бодлогын уршгаар тухайн үед өдөөгдсөн цэрэг дайны ялт ажиллагаа хүн төрөлхтний эсрэг гэмт хэргийг эрс шүүмжилсэн байна. Тийм гэмт хэрэгт холбогдох этгээдүүдийг нэн даруй баривчлан авч шүүхэд шилжүүлэхийг уг асуудалд хамрагдах бүх улс оронд уриалсан юм.
Энэ асуудлыг хэн ч эсэргүүцмээргүй санагддаг байсан юм. Харамсалтай нь уг тогтоолыг цөм нэгэн дуугаар баталсангүй. 47 улс баталж, 41 улс түдгэлзэж, АНУ, Англи, Португалийн төлөөлөгчид эсэргүүцсэн байна...
