Зохиолч: ЭНВЕР МАМЕДХАНЛЫ
Орчуулагч: Д. Наваан
Ангилал: Гадаадын уран зохиол
Хэвлэлийн газар: УЛСЫН ХЭВЛЭЛ
Тэр охин бол ачаа зөөгч өвгөн Фирузийн ач охин Сурея байжээ. Тэр охин дөнгөж хөлд орж байх үедээ чийгтэй харанхуй нүхэн гэрт байснаас суумгай болжээ. Өвгөн Фрузид энэ суумгай охиноос өөр хэн ч үгүй билээ. Түүний хүү ажил эрж, алс хязгаарт явчхаад худагт шигдсэн чулуу шиг сураг чимээгүй алга болжээ. Хүүгийн нь эхнэр охин Суреягаа хөхнөөсөө гарч амжаагүй байхад нас баржээ. Ингээд л чадал тэнхээгүй ганц бие, ачаа зөөгч өвгөн суумгай охинтойгоо хоёулаа амьдралын бэрхтэй тэмцэлдэн хоцорсон билээ...
