Зохиолч: Михаил Нуайме
Орчуулагч: Э. Дондмаа
Ангилал: Гадаадын уран зохиол
Хэвлэлийн газар: Улсын хэвлэлийн газар
— Намайг Фитна гэдэг юм. Би Якубийн эхнэр.
— За, сайн байна. Якубийн эхнэр Фитна гуай «Ан-Нур» сонины ерөнхий редактораас юу хүс ээ вэ?
— Якуб,.. Якубийг чи мэдэхгүй гэж үү?
— Үгүй мэдэхгүй л байна шүү...
— Чиний талийгаач эцэг Якубд маань их сайн байсан юм.
— Тэр хоёрыг Аллах өршөөг! За тэгээд та юу гээ вэ?
— Аллах төрөл садныг чинь өршөөг. Нөхөр маань Аллахын авралаар амьд сэргэг яваа.
— Аллахын авралаар буянтай л яваа юм байна. За тэгээд юу гээ вэ?
— Якуба маань нас сүүдэр зуун тав хүрчихлээ. Би ч бас ерэн тав хүрлээ. Өнөөдөр бидний очир алмаасан хуримын өдөр болж байгаа юм...
