Төв сайхан өргөөний дунд
Төвшин сайхан тулга тулаад,
Бат их тогоогоо тавиад,
Баян төгс айргаа хийгээд,
Бадам бүслүүрт бүрхээрээ тавиад,
Түмэн солхиот халбагаа тосоод,
Түгээмэл урт цоргыг нь зүүгээд,
Хөлс ихтэй жалавчаа тавиад,
Хөндлөн сайхан ороолтоор нь ороогоод,
Хүйтэн сэрүүн уснаасаа хийгээд
Гангар мэт лонхонд нь гоожуулж,
Гавар үнэртэй арзыг нь нэрж,
Олон түмнээрээ цэнгэн жаргая...
