Харчу овгийн Бадарчийн Мягмаржав
1927 онд Завхан аймгийн Алдархаан суманд төрсөн туулай жилтэй. Бага дунд сургууль төгсөж 1945―1948 онуудад улсын хэвлэх үйлдвэрт үсэг хянагчаас ажлын гараагаа эхэлсэн.
МУИС-ийн Монгол хэл, утга зохиолын анги, ЗХУ-ын Коммунист Намын Дээд сургуулийн сэтгүүлчийн ангийг тус тус төгсөж сэтгүүлчийн мэргэжилтэй болсон.
1945 оноос Улсын Хэвлэлийн удирдах газар редактор, ахлах редактор, МАХН-ын ТХ-нд зааварлагч, Олон Улсын Онол, улс төрийн сэтгүүлч “Энх тайван, социализмын асуудал” сэтгүүлийн Монгол Хэвлэлийн хариуцлагатай нарийн бичгийн дарга, “Намын амьдрал” сэтгүүлд утга зохиолын ажилтан, хариуцлагатай нарийн бичгийн дарга, МҮЭ-ийн ТЗ-ийн “Хөдөлмөр” сонины хариуцлагатай эрхлэгч, эмнэлгийн хэвлэлийн редактор, хариуцлагатай нарийн бичгийн дарга зэрэг сонин сэтгүүлийн ажилд ихэнх насаараа ажилласан багш сэтгүүлч билээ.
Монголын Сэтгүүлчдийн Холбооны гишүүн, Монголын сэтгүүлчдийн холбооны нарийн бичгийн дарга, МҮЭ-ийн ТЗ-ийн гишүүний сонгуультай олон жил явсан.
1978 оны хоёрдугаар сард “Хөдөлмөр" сонинд ХТТФ-ын дарга Цэдэнбалын авгай Анастасия Ивановнад Монголын нэгэн иргэн 30 мянган төгрөг бэлэглэж энэ тухай Мягмаржавыг амралттай байхад “Хүний сайхан сэтгэл" нэртэй мэдээ, гэрэл зураг нийтлэхдээ Филатовагийн гуншин, албан тушаалыг тавиагүйгээр гаргасан учир МАХН-ын УТТ-гээр хэлэлцэж "Үзэн суртлын чухал ажилд хариуцлага алдсан” гэдгээр “Хөдөлмөр” сонины хариуцлагатай ажлаас халж хатуу донгодуулж шийтгэгдэж Улс төрийн хэлмэгдэлд олон жилээр санаа сэтгэл, эд материалын асар их хохирол амсаж яваад 1998 онд цагаатгуулж “Төрийн цагаатгалын" 341 номерын үнэмлэх авч санаа сэтгэл нь ариуссан юм.
Эх сурвалж: "Хэлмэгдсэн заяа-17" (УБ, 2000 он) номоос
