ЦАХИМ НОМ

Селма Лагерлеф

Сельма Оттилия Ловиза Лагерлёф
(1858 — 1940)

Шведийн зохиолч, Утга зохиолын салбарт Нобелийн шагнал (1909 онд) хүртсэн анхны эмэгтэй.

Дэлгэрэнгүйг Wiki-гээс

ЛАГЕРЛЁФ С. 
(1858—1940)

Шведийн зохиолч эмэгтэй Сельм Лагерлёф үзэсгэлэнт Вермланд нутагт төржээ.  Сургуульд багшлахын зэрэгцээ зохиол бичиж эхэлсэн байна.  1900 оноос эх нутгийн сэдвээр сурагчдын уншлагад зориулсан зохиол бичсэн бөгөөд газар нутгаа танин мэдүүлэх зорилгоор швед ардын аман зохиолын баялаг сангаас ашиглан «Галуу дагасан гайхамшигт аян» номоо туурвижээ.  Гэтэл тэр ном дорхноо бяцхан уншигчдынхаа талархлыг хүлээж зохиосон эзнээ алдаршуулж удалгүй 1909 онд Нобелийн шагнал авлаа.  С.  Лагерлёф «Энэ шагналыг авах гавьяа байгуулсан эсэхээ би мэдэхгүй байна.  Зохиол бичнэ гэдэг аугаа их баяр цэнгэл, амьд явсны хэрэг мөн гэдгийг л сайн ойлгож байна» гэж хэлжээ.

С.  Лагерлёф «Лёвеншёльдын шигтгээтэй бөгж», «Шарлотта Лёвеншёльд», «Анна Сверд» зэрэг гурамсан роман туурвисан боловч «Галуу дагасан гайхамшигт аян» ном нь хамгийн алдартай юм.  Түүний галуу унасан Нильс хүү Швед орны хилийг давж, дэлхийн олон орноор аялж эхэлсэн юм.  Уул ном хэвлэгдэн гаруутаа Финланд, Дани, Англи, АНУ, Германы бяцхан уншигчдын хүртээл болжээ.  Дараа нь Орос, Франц, Грек, Голланд, Италид нийтлэгдэв.  1918 онд Японд хэвлэгдэж, Токио хотын нэгэн цэцэрлэгт хүрээлэнд Нильс хүү, түүний Мартен галуу хоёрын хөшөөг босгожээ.

1958 онд Дэлхийн Энх Тайвны Зөвлөлийн шийдвэрээр С.  Лагерлёфийн мэндэлсний 100 жилийн ойг манай гарагийн хүн ард өргөнөөр тэмдэглэсэн билээ.

1964 онд «Галуу дагасан гайхамшигт аян» монгол хэлнээ орчуулагдаж, манай бяцхан уншигчид сонирхон унших болсон юм.

Эх сурвалж : "Хүүхэд залуучуудын нэвтэрхий толь - 3" (1988) номоос

Зохиолч (орчуулагч)-ийн номууд

Өнөөдөр: 2210
Сүүлийн 7 хоног: 46684
Сүүлийн 1 сар: 245783
Нийт хандалт: 9712915