Христо Ботев
(1848 - 1876)
Болгарын нэрт зохиолч, хувьсгалч, үндэсний баатар, ардчилсан үзэлтэн Христо Ботев 1848 оны 12-р сарын 25-нд Колофере хэмээх бяцхан хотод төржээ. Түүний эцэг Ботю Петков боловсролтой багш хүн байв. Ботю Петков тэргүүний дэвшилтэд үзэл санаатай хүн байсан учраас хүүгээ багаас нь хувьсгалч үзлээр хүмүүжүүлжээ. Ботев 1863 онд Одесса хотноо сургуульд сурч байх үедээ оросын хувьсгалч ардчилсан үзэлтнүүдтэй танилцаж улмаар Белинский, Чернышевский, Добролюбов нарын зохиолыг шамдан судалснаар тууштай хувьсгалч болж чадсан байна. Улс эх орноо чөлөөлөх талаар тавьсан зорилго, түүний гүйцэлдүүлэх арга маягийн хувьд бусдаасаа хол давж гарсан хүн байв. Ботев 60—70-аад оны үед янз бүрийн дэвшилтэд сониныг эрхлэн гаргаж хувьсгалт бүлгүүдийг толгойлж байжээ.
Тэр үедээ шүлэг найраглал, хошин шог өгүүллэгүүдийг бичдэг байв. Ингэснээрээ нэрт зохиолч болон алдаршжээ. Ботев 1876 оны 5-р сарын 20-нд дайснуудад алуулжээ.
Дэлгэрэнгүйг Wiki-гээс
