ХОРОЛЫН ЗАНДРААБАЙДИЙ
(1934 - 2022)
Үргэлжилсэн үгийн болон жүжиг киноны зохиолч, нийтлэлч ХОРОЛЫН ЗАНДРААБАЙДИЙ 1934 онд Дундговь аймгийн Цагаан-Овоо суманд төржээ.
1973 онд МУИС-ийг төгсөж, МЗЭ, Соёлын яам зэрэг газарт ажиллаж, ном хэвлүүлж, жүжиг, киноны зохиол бичиж, тайз дэлгэцнээ гаргажээ.
Түүний зохиолоор “Задын чулуу”, “Шүртэй алтан бөлзөг”, “Аранга” зэрэг бүрэн болон нэг бүлэгт жүжиг, “Хонины найр”, “Хөх ногооны униар” зэрэг кино бүтээгдсэн байна.
1959 оноос уран зохиол бичиж, роман, тууж, өгүүллэг, туурь, нийтлэлийн номууд хэвлүүлжээ.
Бас Д.Намдаг, Ч.Чимид зэрэг зохиолчийн номыг эмхтгэж ботилон хэвлүүлжээ.
1998 онд “Заяа дутсан бурхад” номоороо МЗЭ-ийн шагнал, 2001 онд Д.Намдагийн, 2002 онд “С.Буяннэмэхийг дурсахуй” номоороо С.Буяннэмэхийн шагнал, мөн онд “Заяа дутсан бурхад” номоороо Д.Нацагдоржийн нэрэмжит шагнал авчээ.
