ШАЛЫН ЖАМЛИЙХАА
Яруу найрагч, үргэлжилсэн үгийн зохиолч, сэтгүүлч Ш. Жамлийхаа 1939 онд Баян-Өлгий аймгийн Толбо суманд төржээ.
1965 онд Монгол улсын их сургууль төгсөж багш болжээ.
1973 онд Москва хотноо комсомолын дээд сургууль төгсжээ.
1965 оноос Баян-Өлгий аймгийн төвийн дунд сургуульд багш, Залуучуудын үнэн сонинд сурвалжлагч, МХЗЭ-ийн Төв Хороонд зааварлагч, Залгамжлагч сэтгүүлд нарийн бичгийн дарга, Баян-Өлгийн Дэлүүн, Улаанхус сумдад мэргэжлийн зохиолч, МЗЭ-д залуу зохиолчдын зөвлөлийн эрхлэгчээр ажиллаж байжээ.
Уран бүтээл 1958 оноос оролдож эхэлсэн бөгөөд зохиолоо казах, монгол хэлээр туурвидаг. Ш. Жамлийхаа уран зохиол бичихийн зэрэгцээ орчуулах ажилд шамдан зөвлөлтийн болон Баян-Өлгий аймгийн зарим зохиолчдын бүтээлээс монгол хэлнээ хөрвүүлж уншигчдадаа толилуулжээ. Тэр бээр Ш. Отеповын "Дорнодын охин" туужийг монгол хэлнээ хөрвүүлж, М. Ауэзовын "Абайн зам" романыг орчуулахад оролцсон ба Сабит Муканов, Жубан Мулдагалиев зэрэг зохиолчдын номыг орчуулан хэвлүүлжээ.
Бас Ж. Аргамбай, Б. Имашхаан, Х. Шабдарбай, А. Хауя зэрэг гучаад зохиолчийн номыг монгол хэлнээ орчуулан хэвлүүлжээ.
НОМУУД
Алтайн амьсгал. Шүлгүүд. 1972
Нарны хань. Тууж. 1977
Цөлийн шинэ тууль. Өгүүллэг. 1985
Их айл. Роман. 1984
Уулсын гэгээ. Шүлгүүд. 1987
Халуун зуны бороо. Өгүүллэг. 1989
Жапирактар. Өгүүллэгүүд. 1974
Тау сахпагы. Шүлгүүд. 1981
Уулсын галд нар сэрүүцнэ. Найраглал. 1992
Сэтгэлийн амраг гэдэг чинь. Тууж. 1992
Уулын голын түрлэг. Тууж. 1981
ОРЧУУЛГУУД
С. Муканов. Ботагаз бүсгүй. Роман. Орчуулга. 1972
Ш. Утынов. Дорнодын охин. Тууж. 1969
М. Ауэзов. Абайн зам. Роман 2 боть. 1972-1978
Ж. Мулдагалиев. Би казах. 1983
И. Есенберлин. Нүүдэлчид. Роман. 1991
