Ян Отченашек
(1924 — 1979)
Чехийн зохиолч, кино зохиолч Ян Отченашек бол чухамхүү дайны дараах жилүүдэд чехийн утга зохиолын амьдралд идэвхтэй оролцох болсон уран бүтээлчдийн нэг юм.
Ян Отченашек 1955 онд «Иргэн Брых» гэдэг роман бичиж нийтлүүлснээсээ чехийн утга зохиолын амьдралд идэвхтэй оролцох болсон юм. Ян Отченашек энэ романдаа нийгмийн их хувьсгалын үеийн үйл явдлын тухай бус харин хувьсгалт үйл явдал хүний бодол санаанд хэрхэн нөлөөлдөг тухай маш урнаар өгүүлж чадсанаараа олон нийтийн анхаарлыг татаж, өндөр үнэлэлт авсан юм. Ян Отченашек уг зохиолдоо бий болгосон нэг шинэ зүйл бол зохиолынхоо гол баатарт дэвшилтэт юм уу, хоцрогдмол ямар нэгэн үзэл санааг урьдчилан олгоогүй бөгөөд чухамхүү ангийн ширүүн тэмцлийн явцад хүний үзэл санаа бүрэлдэн тогтож байгааг харуулж чадсан явдал юм.
Ян Отченашекийн уран бүтээлийн нэг онцлог бол нийгмийн үйл явдлыг ямагт тодорхой хүний (уран зохиолынхоо гол баатрын) нүдээр харж байдагт оршдог. Зохиолынхоо гол баатруудын дүрийг маш реалист дүрслэн гаргаж чаддаг нь Ян Отченашекийн уран бүтээлийн онцлог мөн.
Энэ зарчмаа Ян Отченашек 1958 онд нийтлүүлсэн «Ромео, Жульетта хоёр харанхуйд» гэдэг туурьдаа ч тууштай баримталжээ.
Дэлгэрэнгүйг Wiki-гээс
