Цэдэвдоржийн БАЗАРРАГЧАА
Цэдэвдоржийн Базаррагчаа 1938 онд Архангай аймгийн Эрдэнэ-Мандал сумын нутагт төржээ.
1957—1962 онд МУИС-ийн Хэл бичгийн факультетын хятад хэлний ангийг орчуулагчийн мэргэжлээр төгсжээ.
Ц. Базаррагчаа нь 1962—1975 онд Мэдээлэл радио, телевизийн хороонд сурвалжлагч, орчуулагч, редактораар, 1975 оноос 2010 он хүртэл МУИС-д багшилжээ.
Ц. Базаррагчаа нь МУИС-д хятад хэлний салбар нээсэн анхны жилээс хичээлийн хэрэглэгдэхүүн, толь бичиг, сурах бичгээр хангах, багшлах боловсон хүчин бэлтгэх ажилд олон жил мэдлэг чадвар, хүчин зүтгэлээ дайчлан ажиллахын зэрэгцээ судалгаа, уран зохиолын ажлыг хослуулан олон арван бүтээл туурвижээ. Ц. Базаррагчаа нь Монгол улсын Соёлын гавьяат зүтгэлтэн, Д. Нацагдоржийн нэрэмжит шагналт зохиолч, “Монголын чөлөөт зохиолчдын холбоо”, “Монголын орчуулагчдын холбоо”-ны шагналт зохиолч, орчуулагч юм.
“Хятад Монгол хэлний орчуулгын харьцуулсан судалгаа”, "Монгол Хятад хэлний орчуулга зүй” зэрэг бүтээлээрээ Хэл шинжлэлийн ухааны доктор (Ph.D)-ын зэрэг хамгаалсан, профессор цолтой.
Ном, бүтээл:
Цаст уулын цас (өгүүллэгийн түүвэр) УХ. 1970
Тамирын чулуу (тууж, өгүүллэг) УХ. 1974
Галын илч (тууж, өгүүллэг/) АА-ийн хэвлэх 1979
Суу билиг (нийтлэл) УХҮ. 1979
Цэцэгт нугын өгүүллэгүүд, АА-ийн хэвлэл 1980
Унаган жороо (тууж, өгүүллэг) УХҮ. 1981
Зүүдний цэнхэр хөндий (шүлэг найраглал) ААХҮ. 1989
Сургуулийн нар (роман), УХҮ. 1975
Нохойн дуу (өгүүллэгүүд), Адмон. УБ 2009
Орчуулсан бүтээл
Хавирган саран (тууж, өгүүллэг), УБ 1973
Гэрлийн дуун (шүлэг, найраглал), УБ 1987
Шүлэглэлт ном (шүлгүүд), УБ 1999
Буяны залбирал (шүлэг, өгүүллэгүүд), УБ 2006
Цагаан хэрэмний чанад нутгийн дуу (шүлэг найраг), УБ 2006
Хү Ши Мин “Шоронгийн тэмдэглэл” (шүлгүүд), УБ 1995, 2000
Эх сурвалж : Монгол улсын их сургуулийн Гадаад хэл соёлын сургууль эмхэтгэн гаргасан "Манай эрдэмтэд" (УБ., 2010 он) номоос
