АЙЗЕК АЗИМОВ (1920 – 1992)
1920 онд төрсөн. 1939 онд химийн мэргэжил эзэмшиж, хоёр жилийн дараа философийн ухааны доктор, таван жилийн дараа Бостоны их сургуулийн профессор болсон байна. Залуу эрдэмтэн шинжлэх ухаан, утга зохиол хоёрт бүх амьдралаа зориулжээ.
А. Азимовын зөгнөлт зохиолын сэдэв мэдлэгийн олон салбарыг хамардаг бөгөөд голчлон байгаль, нийгэм, сансар судлалын чиглэлээр олон арван шинэ санаа дэвшүүлсэн гуч гаруй роман, тууж, өгүүллэгүүд, шинжлэх ухааны нийтлэг ном зохиол туурвисан юм. Эдгээрийн дотроос «Мөнхийн төгсгөл», «Ган агуй», «Хоёр дахин тогтоосон нь», «Би - робот». «Орчлон хорвоо», «Амьдралын эх үүсвэр», «Хүний тархи», «Робот техникийн гурван хууль» зэрэг бүтээл нь ихэд алдаршжээ.
Шинжлэх ухааны уран сэтгэмж, шинжлэх ухааны хялбаршуулсан хоёр зуу гаруй зохиол бичсэн байна. Сүүлийн үед «Хүний биохими» ганц сэдэвт бүтээл, «Оюун ухаант хүний нэвтэрхий толь» хоёр боть ном бичсэн нь шинжлэх ухаанд чухал нэмэр хандив болов. А. Азимов хэсэг завсарласныхаа дараа дахин уран зөгнөлийнхөө ертөнц рүү орж ирсэн ба «Айзек Азимовын шинжлэх ухааны уран зөгнөл» нэртэй сэтгүүлийн ерөнхий удирдагчаар ажиллаж байна. АНУ-ын нэрт уран зөгнөгчдийн зохиол бүтээлээс манай уншигчид эх хэлээрээ нэлээд өгүүллэг, туужийг нь уншсан.
(Б. Лхагваажав)
Дэлгэрэнгүйг Wiki-гээс
