РОБЕРТ ШЕКЛИ
(1928 — 2005)
Америкийн нэрт уран зөгнөлч 1928 онд Нью-Йоркт төржээ. Зохиолчийн намтар гэвэл түүний зохиол бүтээлийн жагсаалт юм.
Р. Шекли роботын тухай бичих дуртай боловч А. Азимовт хүрч бичдэггүй гэж үздэг. Р. Шеклийн гол барьдаг зарчим нь романдаа ч тэр, тууж, богино өгүүллэгтээч тэр зохиолынхоо гол баатарт үнэн голоосоо хайртай байдаг юм. Түүний «Онцгойлж хичээдэг», «Хамгаалагч шувуу», «Алах эрхийн бичиг», «Бен Бакстерийн гурван үхэл», «Бичил хүн», «Мэргэжилтэн», «Долоо дахь хохирол», «Сүүний тэрэгний рейс», «Академи», «Газар дээрх бадарчид» зэрэг олон арван зохиолууд нь уншигчдын анхаарлыг татдаг юм.
