Самбуу овогтой Тунгалаг
Самбуу овогтой Тунгалаг нь Завхан аймгийн Сонгино суманд төрсөн.
1986 онд УБ хотын 10 жилийн 16-р дунд сургуулийг,
1989 онд Соёл гэгээрлийн дунд сургуулийг номын санч мэргэжлээр,
2002 онд СУИС-ийн харьяа Соёлын дээд сургуулийг соёлын менежер мэргэжлээр,
2010 онд СУИС-ийг номын сангийн удирдлагаар сурч “Хүүхдийн уншлагыг удирдахуй” сэдвээр магистр цол хамгаалсан.
2009 онд Олон улсын номын сангийн урилгаар Сингапур улсад “Хүүхдийн номын сангийн менежмент” –ээр 1 сарын мэргэжил дээшлүүлэх сургалтад хамрагдсан.
1989 оноос одоог хүртэл номын сангийн мэргэжлээрээ тасралтгүй 31 дэхь жилдээ ажиллаж байна.
1989 онд Цэргийн Нэгдсэн Дээд Сургуулийн номын санд хуваарилагдан ажлын гараар эхэлсэн.
1990 оноос Дархан Хотын Төв номын санд номын санч,
2002 оноос Улсын Төв Номын Санд уншлагын номын санчаар,
2003 оноос Хүүхдийн Номын Ордонд 4-8 дугаар ангийн сурагчдад үйлчилдэг танхимын номын санчаар,
2004 оны 8 дугаар сараас Хүүхдийн Номын Ордонд “Швейцарийн соёл мэдээллийн төв” нээгдэхэд номын санчаар ажиллан,
2005 оноос Хүүхдийн Номын Ордон нь бие даасан байгууллага болоход номзүйч, захиргаа аж ахуйн хэлтсийн эрхлэгчийн үүрэгт ажлыг хавсран гүйцэтгэж байна.
2005-2020 он хүртэл номын сангийн мэргэжлийн арга зүйн зөвлөгөөг 2500 гаруй удаа бусад номын сангууд болон хувь хүмүүсэд өгсөн.
Улсын хэмжээний ЕБС-ийн номын сангийн 3000 гаруй номы санчдад 2005 эхлэн одоог хүртэл “Ном бүрдүүлэлт”, “Фондын зохион байгуулалт”, “Фондын хадгалалт хамгаалалт”, “Картын сан зохион байгуулах”, “Номзүйн ажил”, “Лавлагаа мэдээллийн ажил”, “Номын сангий менежмент”, “Уншлага үйлчилгээний ажил” зэрэг сэдвээр хичээл заасан. Үүнээс гадна сурагчдын холбооны ангийн дарга сурагчдад “Оновчтой уншлага” сэдвээр, Төв аймгийн ЕБС-ийн номын санчдад, 18, 74-р цэцэрлэгийн багш ажилчдад “Хүүхдийн уншлагын удирдахуй” сэдвээр, гадаад орны номын сангийн туршлагаас “Сингапур улсын хүүхдийн номын сан” сэдвээр 21 аймгийн номын санчдад, “Амьдрахын тулд идэх үү, Идэхийн тулд амьдардаг уу” сэдвээр бүх ажилтан болон Архангай, Увс аймгийн сургуулийн номын санчдад тус тус хичээл заасан.
2005-2008 онуудад UBS телевизийн “Их мэдэхийн өртөө” хүүхдийн нэвтрүүлэгт хүүхдийн танин мэдэхүйг хөгжүүлэх, номтой хэрхэн нөхөрлөх, номтой нөхөрлөсний ач тусын талаар цуврал 18 нэвтрүүлгийн эх материалыг бэлтгэсэн.
Мөн 2008-2013 онуудад FM 104,5-д, Монголын радиод 3 удаа, MN 25 телевизийн “Сурагчийн цаг” нэвтрүүлэгт, “ЗА” телевизийн “Онцлох хүн” нэвтрүүлэгт, UBS телевизийн “Номын ертөнц” нэвтрүүлэгт, Боловсрол телевизийн “Эх хэлний эзэд” нэвтрүүлэгт, MNC телевизийн “Ярилцах цаг” зэрэг нэвтрүүлэгт 30-1 цагийн шууд ярилцлаганд орж үзэгч, сонсогчдын сонирхсон асуултанд хариулсан.
Үүнээс гадна 2010-2020 он хүртэл хүүхдийн төв номын сангийн уншлага үйлчилгээний ажил болон соёл олон нийтийн ажлыг радио, телевизэд 50 удаа, тогтмол хэвлэлд 20 удаа тус тус сурталчилсан.
2006-2020 он хүртэл МУИС-ийн Англи, Герман хэлний ангийн оюутан, Соёлын боловсролын сургуулийн 330-р ангийн оюутан нийт 58 оюутны дадлагын ажлыг удирдан хийлгэсэн.
2007-2013 онуудад Олон улсын хүүхдийн номын зөвлөлөөс эрхлэн гаргадаг “Children Opening Doors” сэтгүүлээс “Номын санчийн хүүхэдтэй харилцах харилцаа”, “Номын санчийн сургалт”, “Хүүхдэд ном унших нөхцлийг бүрдүүлэх”, “Номын санд зохиож болох ажлууд”, “Мэдээллийн сэтгүүл гаргах аргачлал”, “Номын санд хүүхэд залуучуудын оролцоо”, “Сургуулийн номын сан” зэрэг сэдвийг англи хэлнээс орчуулан хэлний мэдлэгээ дээшлүүлэхээс гадна МУҮНС-аас эрхлэн гаргадаг “Номын санч” сэтгүүлд хэвлүүлсэн.
2010 онд Хүүхэд хөгжил хамгааллын төвүүдэд зөөврийн сан ажиллуулж эхэлсэн ба 1785 ширхэг номоор жагсаалт гарган 12 төвүүдэд хуваарилалт хийж өгсөн.
Шагналууд:
2003 онд Дархан-Уул аймгийн ЗДТГ-ын жуух бичиг;
2005 онд Монголын залуучуудын холбооны “Хөдөлмөрийн алдар” алтан медаль;
2006 онд Монгол Улсын Засгийн Газрын шагнал “Соёлын тэргүүний ажилтан” цол тэмдэг;
2011 онд Монгол Улсын Үндэсний номын сангийн 90 жилийн ойг угтсан “ШИЛДЭГ НОМЫН САНЧ” шалгаруулах уралдаанд тусгай байр эзэлж, ойн медаль;
2019 онд Монгол Улсын Ерөнхийлөгчийн зарлигаар “Хөдөлмөрийн хүндэт медиль”-аар тус тус шагнагдсан.
