Сэрээнэнгийн ГАЛСАН
(1931 - 2017)
С. Галсан 1931 онд одоогийн Говь-Алтай аймгийн Түмэн сумын нутагт “Бухтын шанд” гэдэг газар төржээ.
Тэр бээр 1959 онд МУИС-ийн орос хэл-утга зохиолын ангийг улаан дипломтой төгсөж төрөлх сургуульдаа хоёр жил багшлаад 1961—1964 онд Орос улсад аспирантурт суралцан 1964 онд дэд эрдэмтний, 1970—1972 онд Орос улсад докторантурт сурч 1972 онд хэл шинжлэлийн ухааны докторын зэрэг тус тус хамгаалжээ.
С. Галсан МУИС, УБИС-д тэнхимийн эрхлэгч, проректор, Орос хэлний дээд сургуулийн ректор, Дээд тусгай дунд боловсролын улсын хорооны дарга, ГХДС-ийн ректор, АБЯ-ны орлогч сайд зэрэг албыг хашиж байлаа.
Профессор С.Галсан Москвагийн их сургууль, Варшавын их сургууль, Бээжингийн их сургуульд уригдан ажиллаж байв.
Монголын шинжлэх ухаанд зэрэгцүүлсэн хэл шинжлэлийн салбарыг анх бий болгож энэ салбарт олон арван ном зохиол бичиж, 6 доктор, олон дэд доктор бэлтгэж, 30 орчим доктор, 50 орчим дэд докторын эрдэм шинжилгээний ажлын албан ёсны шүүмжлэгч, эрдэм шинжилгээний ажлын зөвлөгчөөр ажилласан. 20 шахам ганц сэдэвт зохиол, ном сурах бичиг туурвиж, 20 шахам ном сурах бичиг редакторлан, эрдэм шинжилгээний 40 гаруй томоохон өгүүлэл бичиж орос, англи, монгол хэлээр гадаад дотоодын олон сонин, сэтгүүл, эрдэм шинжилгээний ном товхимолд хэвлүүлсэн байна.
С. Галсанд 1984 онд ЭЗЦОУДК-ын шийдвэрээр профессор цол олгожээ. 1979 онд А.С. Пушкиний алтан медаль, шинжлэх ухаан ба Монголын залуучуудын байгууллагын тэргүүн шагналууд, Болгар зэрэг гадаад орны шагналаар удаа дараа шагнуулж байжээ.
2004 онд Монгол уhttps://mn.wikipedia.org/wiki/%D0%A1%D1%8D%D1%80%D1%8D%D1%8D%D0%BD%D1%8D%D0%BD%D0%B3%D0%B8%D0%B9%D0%BD_%D0%93%D0%B0%D0%BB%D1%81%D0%B0%D0%BDлсын Гавьяат багш, 2008 онд Монгол улсын Ардын багш цол тэмдгээр тус тус шагнуулжээ.
Эх сурвалж : Монгол улсын их сургуулийн Гадаад хэл соёлын сургууль эмхэтгэн гаргасан "Манай эрдэмтэд" (УБ., 2010 он) номоос
Дэлгэрэнгүйг Wiki-гээс
