ЦАХИМ НОМ

М. Ядамсүрэн

Мөрдэндэвийн ЯДАМСҮРЭН
(1904-1937)

М. Ядамсүрэн 1904 онд Хэнтий аймгийн Дархан сумын нутгийн малчин ард Мөрдэндэвийнд төржээ. Ядамсүрэн 1924-1928 онд КУТВ-т суралцаж төгсөв. Улмаар МХЗЭ-ийн Төв хорооны суртлын хэлтсийн эрхлэгч, Намын төв сургуулийн хичээлийн эрхлэгч, Аж ахуйн яаманд хэлтсийн дарга, Шинжлэх ухааны хүрээлэнд эрхлэгч, 1931 онд Шүүх явдлын яамны зохион зааварлах хэлтсийн эрхлэгч, 1932 онд Шүүх явдлын Яамны дэд сайд бөгөөд улсын прокурор зэрэг ажил хийж байгаад 1936 оны есдүгээр сард Улсын төв театрын даргаар томилогдсон байна. Улс төрийн хэргээр баригдаж 1937 онд хилс хэргээр  цаазалжээ. Тэрбээр “Залуу хос” тууж, “Ухваргүй ярилцаан”, “Анхаарч биширсэн чавганц, атгаархан хуурсан лам хоёрын үнэн байдал”-ын тухай, “Байцаагчийн ширээний өмнө” зэрэг олон арван бүтээл туурвисан билээ.

 

 

М. Ядамсүрэн 1904.10.2-нд Амгаланбаатар хотод төржээ.

Үргэлжилсэн үг, жүжгийн зохиолч. Москва хотноо Дорно дахины хөдөлмөрчдийн коммунист их сургууль (КУТВ), 1925 онд төгссөн. 1930-аад онуудад МЗЭ-ийн дарга, Улсын театрын дарга, Улсын прокуророор тус тус ажиллаж байжээ.

1930-аад оны үеэс эхлэн уран зохиол бичих болжээ. М. Ядамсүрэн 1929 онд байгуулагдсан хувьсгалт зохиолчдын бүлгэмийн ууган гишүүн, шинэ монголын ахмад зохиолчдын нэг юм. Орчин үеийн Монголын уран зохиолын анхны туужуудыг бүтээсэн юм. М. Ядамсүрэн зохиолчдоо хуучин нийгмийн болхи бүдүүлэг байдлаас ангижран салахыг уриалан дуудаж эмэгтэйчүүдийн эрхийг хамгаалж байлаа. Улс, олон нийтийн болон утга зохиолын үйл ажиллагаанд идэвхтэй оролцож Монгол улсын соёл боловсролыг хөгжүүлж үндэсний сэхээтнийг сурган боловсруулахад ихээхэн тусалжээ. Тэр 1935-1936 онд Хайлаарт Монгол Японы хэлэлцээрт оролцож байсан бөгөөд 1937 онд улс төрийн хилс хэрэгт гүтгэгдэн амь насаа алдсан юм. Түүнийг хөдөлмөр зүтгэлийг үнэлж гавьяат уран зохиолч цолоор шагнаж байв.

эх сурвалж : 1970 оны "М. Ядамсүрэн : ТҮҮВЭР ЗОХИОЛ(Улсын хэвлэлийн газар, Редактор Г. Дүйнхэржав) номоос

 

Зохиолч (орчуулагч)-ийн номууд

Өнөөдөр: 8622
Сүүлийн 7 хоног: 57792
Сүүлийн 1 сар: 256653
Нийт хандалт: 9596138