ЦАХИМ НОМ

Жорж Сименон

Жорж Сименон нь энэ үес дэлхий дээр хамгийн их алдаршсан зохиолчийн нэгэн билээ. 1983 оны хоёрдугаар сард нас сүүдэр 80 хүрсэн энэ зохиолч хэдэн зуун роман, тууж, эсээ, дуртгал бичсэнээс дан роман нь хоёр зуу хүрчээ. Анхны роман «Гулдант гүүр» гэдэг нь 1920 онд хэвлэгдсэн бол сүүлчийн роман «Мегрэ ба эрхэм Шарль» гэдэг нь 1972 онд нийтлэгджээ. Яагаад сүүлчийн роман гэж байгаа юм бэ гэвэл Жорж Сименон "би зохиол бичихээ болилоо" гэж нийтэд зарласантай холбоотой юм. Номзүйн мэдээ бүртгэлээс үзвэл түүний зохиол дэлхийн 46 хэлээр орчуулагджээ.

Жилд дунджаар таван роман бичдэг Жорж Сименоны уран бүтээлийн чадал чансаа, олон орны олон янзын уншигчийн сонирхлыг татдаг увдис нь юундаа байна гэдэг асуулт гарах нь зүйн хэрэг. Тэгвэл Сименоныг судлаачид хамгийн гол нь эгэл жирийн хүмүүсийн сэтгэлзүйг гүнзгий мэдэрч, тэдгээрийн хувь заяанд тохиолдох элдэв бэрхшээлийг тухайн нийгмийн мөн чанартай чадамгай холбон урнаар дүрслэн үзүүлдэг учраас ийнхүү алдаршжээ гэж дүгнэсэн байдаг.

«Би бол эгэл жирийн хүмүүсийн талд байдаг юм. Би хөрөнгөтөн хүн биш ээ. Хэдийгээр олон тооны концерн дэлхий ертөнц дээр ноёрхож байлаа ч би мөнгө, хөрөнгийн хүчинд итгэдэггүй. Миний бодоход орчин үеийн роман нь Расины юм уу Софоклын сонгодог эмгэнэлт жүжгүүдтэй нэг л төсөөтэй мэт байдаг. Би эвгүй байдалд орсон хүмүүсийн тухай бичдэг. Тэгэхдээ энгийн нэг хүнийг сонгон аваад ажиглаж эхэлдэг. Тэгээд энэ хүнд ямар нэгэн гэнэтийн хэцүү учрал тохиолдвол яах бол гэж өөрөөсөө асуудаг юм. Ингэж л зохиолынхоо эхийг гаргадаг» гэж Сименон ярьжээ.

эх сурвалж : "Жорж Сименон : ШАР НОХОЙ, ХҮНИЙ АМЬ, НЕГРИЙН ХОРООЛОЛ"  (1985 он) номын редактор Г. Амарын "РЕДАКТОРААС УНШИГЧДАД" өгүүллээс

 

Зохиолч (орчуулагч)-ийн номууд

Өнөөдөр: 3788
Сүүлийн 7 хоног: 38910
Сүүлийн 1 сар: 202896
Нийт хандалт: 3213242