Ши Тиэшэн
(1951-2010)
Соёлын хувьсгалын үеэр 20 настай байсан Ши Тиэшэн, Шэньси мужийн Яньчуан сууринд ажиллаж байхдаа суунги болжээ.
Улмаар 1979 оноос зохиол бүтээл туурвиж эхэлснээр 1982-1983 онд оны шилдэг богино өгүүллэгийн шагнал хүртсэн байна.
1983 онд Хятадын Зохиолчдын эвлэлд элссэн тэрээр Чивчирсэн чавхдас шиг амь амьдрал хэмээх өгүүллэгээ 1991 онд бичсэн бөгөөд уг өгүүллэгээр хийсэн кино нь Каннын Олон улсын кино наадамд өрсөлдөж байжээ.
Харин төлөөлөх бүтээл нь болсон Дитаний цэцэрлэгт хүрээлэн бид хоёр эсээндээ өвчтэй хүний сэтгэлийн зовуурь, түүнтэйгээ хэрхэн тэмцэж даван туулсан тухайгаа өгүүлжээ.
1998 онд тэр бээр Су Тун, Мо Янь, Үй Хуа, Ван Аньи нарын хамт Хятад улсаас Нобелийн шагнал хүртэх магадлалтай зохиолч хэмээн нэрлэгдсэн байдаг.
Олон жил өвчин зовлонд шаналсан Ши Тиэшэн “Өвчин эмгэг маань миний ажил төрөл юм даа. Ажлынхаа зав зайгаар л юм бичих юм” гэж өгүүлсэн ажээ.
