Боржигон овогтой Гомбосүрэнгийн Батсүх
(1937-2006)
1937 онд Төв аймгийн Авдарбаян суманд төрсөн.
1947-1957 онд нийслэлийн 3-р дунд сургууль, 1957-1963 онд Москва хотын Гадаад хэлний дээд сургуулийг Франц Орос хэлний багш, орчуулагч мэргэжлээр төгссөн.
1957 онд НАХЯ-нд төлөөлөгч, 1964 онд Гвиней дэх Монголын ЭСЯ-нд орчуулагч, 1965 оноос НАХЯ-нд ажиллаад тэтгэвэртээ гарсан.
1990 оноос улсын болон хувийн хэвшлийн дээд сургуульд багшилсан. Энэ хугацаанд дэлхийн хэмжээний олон арга хэмжээнд Монголын төлөөлөгчдийг дагалдан оролцсон. Тухайлбал 1968 онд Мексикт болсон олимпиад, Швейцар, Алжир зэрэг. Багшлах үедээ Францын хүүхдийн зохиолчдын үлгэр тууж зэргээс орчуулж, орчуулгын онолын талаар хэд хэдэн илтгэл, өгүүллэг бичсэн.
