ЦАХИМ НОМ

Ж. Самбуу

Жамсрангийн Самбуу
(1895–1972)

Монгол улсын төрийн зүтгэлтэн, дипломатч Ж.Самбуу 1895 онд Түшээт хан аймгийн Зоригт ван Цэрэнбаавайн хошуу одоогийн Төв аймгийн Бүрэн сумын нутагт ард Жамсрангийн гэр бүлд мэндэлжээ. Тэр бээр 1915 оноос Хошуу тамгын газар бичээчийн алба хашиж байв. 1923-1929 он хүртэл Ардын засгийн газрын сангийн яаманд бичээч, нягтлан бодох эрхэлсэн түшмэлийн албыг хашиж, 1929-1932 онд Богдхаан уулын аймгийн дарга, хожим нь Өмнөговь аймгийн анхны даргаар томилогдон ажилласан.

 1937 оны сүүлч хүртэл БНМАУ-ын Мал тариалангийн яаманд хэлтсийн даргаар ажиллаж байсан юм. Тэр бээр Монголын нэрт дипломатч бөгөөд 1937 оноос ЗХУ-д суух Элчин сайд, 1946 оноос Гадаад Яамны Алс дорнодын хэлтсийн дарга, 1950 онд БНАСАУ-д суух Бүрэн Эрхт Элчин Сайд, 1951-1954 онд Гадаад явдлын яамны орлогч сайдын албыг хашиж байв.

 1954 онд МАХН-ын Төв хорооны бүрэлдэхүүнд орж, Намын Төв Хорооны Улс Төрийн Товчооны гишүүнээр сонгогдон, БНМАУ-ын Ардын Их хурлын тэргүүлэгчдийн даргын өндөр албанд дэвшин ажилласан, БНМАУ-ын хөдөлмөрийн баатар, Улс түмний хоорондын Энх тайвныг бэхжүүлэхийн төлөө Лениний шагнал хүртсэн Монгол Улсын төрийн нэрт зүтгэлтэн билээ.  

 

Дэлгэрэнгүйг Wiki-гээс

Зохиолч (орчуулагч)-ийн номууд

Өнөөдөр: 3508
Энэ 7 хоног: 100238
Энэ сар: 462867
Нийт хандалт
19463352
Өнөөдөр: 29
Энэ 7 хоног: 4000
Энэ сар: 14236
Нийт таталт
240556