Шарууд овогтой Сономын Дондог
1936 онд Сүхбаатар аймгийн Жавхлант шарга, одоогийн Сүхбаатар суманд Чихэртийн шанд гэдэг газар төржээ.
1945-1955 онд Сүхбаатар аймгийн баруун урт хотын 10 жилийн дунд сургуулийг төгссөн. Нэрт орчуулагч Гомбожав багшийн шавь байжээ.
1955-1959 онд МУИС-д суралцан Химич, химийн багш мэргэжлээр төгссөн. 1959-2013 он хүртэл МУИС-д химийн багшаар ажилласан. Монгол улсын их сургуулийн хүндэт профессор МУ-ын гавьяат багш цолтой.
1972 оноос хүүхдийн болон яруу найргийг өөрийн хүсэл сонирхлоор орчуулж эхэлсэн. 2000 онд ОХУ-ын соёлын яамны А. С. Пушкиний 200 жилийн ойн дурсгалын медалиар шагнуулсан. 2001 онд Монголын орчуулагчдын эвлэлийн дуун хөрвүүлэгч мөнгөн тэмдгээр шагнагдсан. 2020 онд Монголын зохиолчдын эвлэлийн орчуулгын зохиолын “Алтан Өд” шагналаар шагнуулсан.
